葵扇  khuê-sìnn ，台灣的葵扇取材棕樹的葉片編織而成。棕是台灣的原生樹種。棕的葉鞘纖維可以製作棕蓑, 棕掃帚, 棕筅仔  tsang-tshíng-á。

​

數千年來台灣的葵扇一直維持固定的形式，無啥麼明顯的變化。傳到大洋洲以後，形式嘛是差不多。除了實用的擛風 ia̍t-hong 功能，葵扇佇 Samoa 煞成作一種尊貴的象徵，結婚寫真，男方攏愛夯葵扇。

​

因為大洋洲並無出產棕樹，做葵扇的材料用其他的植物代替，譬如椰子葉佮林投葉。

​

葵扇因為歹保存，所以並無考古學的證據來比較數千年前的形式。但是台灣的葵扇佮太平洋各島嶼的葵扇，看起來形式攏差不多。真有可能 5000 年前先民離開台灣的時陣，就有隨身紥着葵扇。這是合理的推想。