台灣人搬徙厝，閣號做扛厝，車厝，是真正共厝夯懸閣徙位的風俗。台灣在古早時代就有這種搬徙厝的方式。現此時人講搬厝，干旦是換厝爾爾。台灣厝邊的菲律賓，馬來西亞，印尼嘛有仝款的風俗，可見搬徙厝是南島民族的傳統風俗。

​

搬徙厝的方式有平面徙位，衝懸，轉方向，三種。這個風俗的起源地就是台灣。 若是南洋的南島民族亦有這个風俗，咱會使講搬徙厝這個風俗至少有 2000 年的歷史。因為馬來人是 2000 年前按台灣徙出去矣。只是馬來人完全靠人力來扛。台灣因為一直保持這个傳統，技術較先進，有用着現代的機械。根據埔農所說：【台灣人(Paccanians)自古即有進步的房屋移動技術。台灣人(Paccanians)移居到太平洋南島群後，因為當地資源不足，建築的房屋簡化、較輕，也就用這種簡易型搬移方式。】

​

搬徙厝這個傳統行業雖然古老，佇台灣猶原有人做的客觀條件，就是搬一間舊厝比起一間新厝，費用加省甲足濟。搬徙厝的行業真濟攏是世代相傳的家族事業。這方面的專家，近代有姜林獅，陳卒等人。