拂塵 hu̍t-tîn,閣號做蠓捽仔 báng-sut-á，是用來驅趕蠓蟲的用具。除了這个實用的功能，道士亦用作隨身的法器。南島民族卻用來代表身份的象徵。Samoan 上懸的首領下跤有設一个教示的首領，負責向百姓講說歷史和政策。這个教示的首領開講的時着愛夯這支 “fue”, 代表伊的權威。

​

其他南島民族，譬如 Tongan, Fijian, Hawaiian 攏有仝款的風俗，用拂塵來代表首領的身分。南島民族的這个風俗由台灣向北傳到中國，猶原是尊貴的象徵。顛倒佇台灣，煞干旦賰實用的趕蠓功能。

​

​製作拂塵的材料有棕櫚的花序或葉柄，鳥類的羽毛，馬的尾毛不等。最近幾百年前，大洋洲地區引進馬匹以後，拂塵開始採用馬的尾毛製作，尤其以白色最為尊貴。夏威夷的拂塵採用鳥類的羽毛製作，但是功能和其他地區仝款，猶原是代表皇室的尊嚴。語言學的比較；夏威夷語的 “Kahili” 源頭就是 Austral Islands 的 “Tahiri”。