【根據鹿港鎮公所編印的「地名釋義」：「雍正6 年彰化縣設立倉庠於鹿仔港米市街西畔，門首有匾曰：天庾正供 (彰化縣誌道光版載有此事，計得倉庠一十六間) ，因廩之方者曰鹿，竊以此命名曰鹿仔港。】由此可見，”鹿“在此是指貯藏糧食的倉庫。並毋是梅花鹿的鹿。至於鹿是倉庫的由來，並無交代。

 

根據潘智仁：【鹿港一帶為平埔族巴布薩（Babuza）之居地，平埔族Rokau-an一語的轉譯，鹿港 這個地方是米穀集散地，因為用來儲存稻穀的方形倉庠稱為「鹿」而得名。】可以理解，“鹿港” 源自平埔族巴布薩（Babuza）語，亦會使講 “鹿港” 就是南島語。

 

根據 Maori Dictionary:
【Rua: 2. (noun) storage pit.】毛利語的 “Rua” 就是指貯藏室，儲存甘薯的倉庫就稱 "Rua kumara "。另外，毛利語 “貯藏” 的動詞是 ”Rokiroki"。

毛利語的證據予咱更加確定，”鹿港“ 這个地號名的源頭就是南島語。台灣的地號名會使講大部分攏是南島語，因為台灣本來就是南島民族的發源地。唐山人來台灣以後，用漢字來寫南島語的地號名，就已經有淡薄仔走鐘矣。閣再加這七十外年來，國民黨任意篡改台灣的地方志，惡意扭曲，加油添醋，予欲探討台灣地號名的人，增加不少的困擾。

 

南島語言的研究必須講究時間的深度和空間的廣度。就時間來講，毋是干旦看 70 年，400 年爾爾。必須看到數千年，甚至萬年以前。就空間來講，毋通干旦看台灣，必須範圍擴大，太平洋所有島國的語言，攏可以提來做比較。若是按呢，就會當看閣較清楚。

 

資料連結：

​

• 從臺灣文資法看賽德克族穀倉工藝之保存

• 鹿港地名由來

• Rua kūmara​

​​

圖片連結：

​

• 賽德克族穀倉

• Rua kūmara (毛利人的甘薯倉庫)