貓裡是苗栗的舊稱，平埔道卡斯族 “貓裡” 的意思就是平原。
紐西蘭毛利人稱平坦之地為 “more”, “mamore”。
 

毛利人 5000 年前離開台灣，去到萬里之遙的紐西蘭，歷經歲月的洗禮，猶原保留這个仝音仝義的同源語，實在真無簡單。

 

毛利語的 ”more” 除了平原，閣有不毛之地，無牙的延伸意義。台語的 “老瘼瘼” 亦是指老甲喙齒攏落了了。可能佮 “more” 有關。

 

台灣平埔族的語言雖然凋零，亦有部分留落佇現今的台語。現在的台灣人有 85% 有平埔族的血統，但是 400 年來受外族殖民，本來的南島語加入真濟的外來語。顛倒遐个 5000 年前就徙出台灣的毛利人保存閣較濟的古早南島語。用毛利語來佮台語比較，會當揣著袂少的同源語。