鼻笛指用鼻吹奏的管樂器，可能是人類上古早的樂器之一，亦是南島民族的特色文化。差不多遍布太平洋各島嶼的族群，包括台灣在內的南島民族，攏有鼻笛文化。

 

南島民族一般認為鼻仔是生命氣息的通道，亦是靈魂進出人體的所在。佮嘴比較，更加清氣，純粹。所以鼻笛的聲音比一般口笛的聲音更加優美。南島民族對鼻仔的尊崇，可由毛利人的見面禮 “Hongi” 看出來。如同西方人見面的握手禮，”Hongi” 是毛利人表達歡迎的儀式, 雙方抵額，鼻仔互相摩擦，代表分享生命氣息。比較其他各種見面禮，毛利人 “Hongi” 的境界閣較懸 。

 

鼻笛的外觀形形色色，就材質而言，以竹製上濟。亦有木，石，骨，鯨牙製成者。一般有吹孔一，指孔二至六不等。就吹奏方式而言，有直歕和橫歕，單管和双管之分。毛利人的鼻笛，多有精美的雕刻，可見他們對鼻笛的重視。

 

南島民族的鼻笛名稱，以玻利尼西亞族群比較一致，多數講 “Kofe”,或者類似的發音。台語的笛子 “Phin-a” 佮鄒族語 “peiengu” 相近。馬來群島各族群對鼻笛的稱呼較無相仝。

 

鼻笛的聲音柔和，並無適合佇眾人面前演奏。一般攏用佇向心上人傾訴衷曲。這亦是南島民族，按台灣到夏威夷，使用鼻笛的共同方式