匏，Lagenaria siceraria，是咱人上古早開始栽培的植物其中的一種，栽培的歷史超過 5,000 年。匏仔的用途真濟款，幼果會當食，熟果曝焦會當做盛具，比如匏桸(pû-hia)。嘛會當做各種的樂器，包括管樂器，弦樂器和打擊樂器。匏共咱人關係密切，毋管搬徙到佗位，攏會曉紥着匏仔籽，來種 e 新的所在。匏仔的傳布和人仝款，嘛是按非洲，亞洲，最後到美洲。

 

同源詞 (Cognate word) 的比較在語言學上是一個重要的方法，會使決定兩種語言的關係。“匏” 的毛利語有 10个，夏威夷語有 13 个。而 “ipu” 共 “hue” 屬於毛利語與夏威夷語共有。會當解釋這兩種語言有一个 proto-language, 即共同的來源。遮 e 開拓者對台灣出來，沿路若行若停，逐島搬徙，有人留下來，有人繼續行，來到馬癸沙群島(Marquesas Islands)。按遮又分兩路搬徙，有人往北北西行到夏威夷 ，有人往西南行到紐西蘭。而且台語的匏 (pu) 與 “ipu” 擱是同源詞。這說明三種語言有共同的來源。

 

5000 年前有一陣人離開台灣，出發前往太平洋眾島嶼。即馬，匏仔佇夏威夷和紐西蘭普遍栽培。可見先民在 5000 年前離開台灣時，已經有紥匏仔籽，是有充分準備的計劃性移民。這是綜合人類學，遺傳學，考古學，語言學的證據所得到的結論。這陣人彼當時講的話就是古南島語 (proto-Austronesian language)。經過 5000 年的演變，今仔日的台語猶原保存不止仔濟的古南島語。若是夏威夷和毛利有遐爾濟的話句攏是在講匏仔，咱會當講 in 對匏仔的利用已經是相當的進步了。

​

夏威夷人和毛利人的歷史攏有傳落來， 講 in 祖先坐船來到夏威夷和紐西蘭的時陣，有紥真濟種有路用的植物來新的所在生湠，叫做 “坐船來的植物” （Canoe Plants List)。 時間在 AD 900 年至 AD 1,200 年。匏仔就是其中的一種。可見匏仔在這兩个所在的栽培歷史差不多有 1,000 年左右。

​

夏威夷民俗植物誌有關”匏“的記載，出海的船隻攏有紥曝焦的匏仔。因為 in 相信匏仔會當趕走鯊魚，反 (ping) 船的時陣，擱會當浮佇水面，予落水的人擒牢，等候救援。

 

​連結：

• Lagenaria siceraria

• The "Canoe Plants" of Ancient Hawai`i

​