石頭錢  Rai, 指 Yap 雅浦島流通的石頭貨幣，大小不等，3.5 cm ~ 4 m。Rai 閣號做 Fei, Yapese: raay。大粒的重量有 4 公噸。Yap 島的居民有一萬外人，卻有 6000 外个的石頭錢。大粒的石頭錢攏囥佇固定的所在，交易的時干旦轉移所有權。石頭錢無徙位，但是每一个村民知矣這个錢是啥人矣。所有權干旦靠口頭的傳述。

 

石頭錢的材料是文石和方解石晶體，雅浦島上並無出產，必須駛船到 500 公里外的帛琉抑是關島開採。所以這種通貨有一定程度的稀有性。

 

台灣佇台東長濱的忠勇及白桑安亦有石頭錢發現，台灣的考古學界共伊號作 ”石輪“，但是毋知矣石輪的用途。台灣距離雅浦有 2400 km , 雅浦人的行船能力，有辦法到 500 km 外的帛琉佮關島開採石材，應該亦有能力到台灣來做貿易。所以台灣的石頭錢嘛有可能是雅浦人來台灣貿易留落來矣。

 

Milton Friedman, 1976 年諾貝爾經濟獎得主。捌比較雅浦石頭錢和當今黃金本位的通貨發行體系；伊講黃金本位的體系，共這个貴重的金仔挖起來，囥佇地下的金庫，然後發行銀票。一般人根本看袂着遮个金仔，干旦提彼張紙印的銀票就會當買物件。雅浦的石頭錢起碼猶閣予人看會着，予人對石頭錢的價值閣較有信心。

​

講起來，雅浦石頭錢的觀念相當現代化。今仔日咱用電話，電腦付款，轉數，你敢有看着任何交易的物件？這共石頭錢無徙位就完成交易有啥物無仝？