語言的傳播，定定有失落和加添的情形。”霆” 這個詞，表示發出聲音，是動詞。台語的 “霆”，”Tân” 可能使用時間超過 5000 年。因為毛利語亦有類似的用法，“Tangi"，毛利人卻是 5000 年前就離開台灣矣。比南島語較晚出現的華語 (2300年前) 煞顛倒無保留這字 “霆”。

 

台語用法舉例：霆雷 (tân-luî), 霆螺 (tân-lê), 霆水螺 (tân-tsuí-lê)，吱吱霆 (tsi-tsi-tân)。

 

霆螺，表現早期南島民族的行船風俗。用歕海螺發出的聲音來表示船要出帆，抑是入港。當今的船螺雖然毋是海螺，嘛是猶原用霆螺來表示船欲出入港的信號。

​

​附一首台灣唸謠，”船螺若霆“

 

雄雄聽到船螺霆，    予阮心肝激歸丸，
阿君仔一去幾若冬，毋知矣啥時等歸帆。